Астана жүргізушілеріне автобус жолақтарымен жүруге рұқсат етілуі мүмкін

Астанада белгілі бір сағаттарда жұмыс күндері және демалыс күндері жүргізушілерге автобус жолақтарымен жүруге рұқсат етілуі мүмкін, деп хабарлайды Azattyq Rýhy Астана әкімдігінің баспасөз қызметіне сілтеме жасап.

Автокөліктерге қоғамдық көлік жолағында жүруге мүмкіндік беретін ережені енгізу үшін 2023 жылдың 10-27 ақпаны аралығында өтетін онлайн дауыс беру басталды.

Жоба Пушкин көшесінен Манас көшесіне дейінгі учаскеде Абылай хан даңғылында пилоттық түрде іске қосылды. Автобус жолағына шығуға таңертең 07.30-дан 09.30-ға дейін және кешке 17.00-ден 20.00-ге дейінгі қарбалас уақыт кезеңдерінен басқа кез келген уақытта рұқсат етілді.