Алматыдағы «Барахолкадан» тағы да өрт шықты

Алматыда «Сәлем» базарындағы екіқабатты контейнерлерден өрт шықты. Бұл туралы Алматы қаласы ТЖМ баспасөз қызметі мәлім етті, деп хабарлайды Azattyq Rýhy.

6 ақпанда сағат 21:09 уақытында Алматы қаласы ТЖД күштері мен құралдары шақырту орны - Жетісу ауданы, Бөкейханов көшесі, 508а мекен-жайына аттанды. Алғашқы өрт сөндіру бригадасы оқиға орнына 3 минутта келіп жетіп, «Сәлем» базарында екіқабатты контейнерлерінің отқа оранғанын анықтады.

Алдын ала ақпарат бойынша, өрт шалған алаң 120 шаршы метрді құрайды. 

«Сағат 21.42-де өрт оқшауланды, оттың өзге контейнерлерге ұласпасы үшін алдын ала шаралар қабылданды. Зардап шеккендер мен қаза тапқандар жоқ», - деді Алматы қаласы ТЖМ баспасөз қызметі.