Бүгін еліміздің кей өңірінде қар жауып, жаяу бұрқасын болады

Синоптиктер 31 қаңтарға арналған ауа райы болжамын жариялады, деп хабарлайды Azattyq Ruhy.

«Еліміздің басым бөлігі антициклон ықпалында болатындықтан көбінесе жауын-шашынсыз ауа райы сақталады. Тек солтүстік өңірлерде солтүстік циклон жырасына байланысты аздаған қар жауады, жаяу бұрқасын болады», - делінген «Қазгидромет» хабарламасында.

Республиканың оңтүстігінде атмосфералық фронтальды бөліктердің өтуімен жауын-шашын (қар, жаңбыр) жауады, жел күшейіп, тұман түсіп, көктайғақ болуы мүмкін.

Астанада жауын-шашынсыз ауа райы болады, жел секундына 1-6 метрге жетеді. Күндіз -11-13, түнде -25-27°С болады.

Алматыда күн бұлтты, жауын-шашынсыз ауа райы болады, жел секундына 0-5 метр. Күндіз +2+4, түнде -4-6°С болады.

Шымкентте жаңбыр жауады, жел секундына 5-10 метрге жетеді. Күндіз +7+9, түнде -1+1°С болады.