Жетісу облысында трактор жүк пойызымен соқтығысып, бір адам көз жұмды

Аталған факті бойынша сотқа дейінгі тергеу амалдары басталды

рolisia.kz

Жетісу облысында трактор жүк пойызымен соқтығысып, бір адам көз жұмды, деп хабарлайды Azattyq Rýhy.

Polisia.kz-тің мәліметінше, оқиға Қаратал ауданы, Қанабек ауылындағы темір жол өткелінде болды. Оқиға салдарынан зардап шеккен екі адам аудандық ауруханаға жеткізілді. Олардың бірі 41 жастағы ер адам ауруханада көз жұмды. Ал екінші жарақат алған 18 жастағы жасөспірім медициналық тексеруден өтіп жатыр. Екеуі де трактордың ішінде болған.

Оқиға орнында полиция қызметкерлері жұмысын жалғастырып жатыр. Аталған факті бойынша ҚР ҚК-нің 345-бабында көзделген сотқа дейінгі тергеу амалдары басталды.

Мақалада

#апат #трактор #жүк пойызы #Жетісу облысы

Алдыңғы жаңалық

«Қазақ газеттері» мен «Егемен Қазақстан» біріктірілді