Индонезия мен Филиппин жағалауында қатты жер сілкінісі болды

Индонезиядағы Молукка теңізінде 7,2 балдық жер сілкінісі болды, деп хабарлайды Azattyq Ruhy ТАСС-қа сілтеме жасап.

Жер сілкінісінің эпицентрі Тобело қаласынан солтүстік-батысқа қарай 155 шақырым жерде 10 мыңға жуық халқы бар мекенде болған. Оның ошағы 60 км тереңдікте жатты.

Зардап шеккендер мен қираған жерлер туралы ақпарат жоқ. Цунами қаупі жарияланған жоқ.

Сонымен қатар, Филиппин жағалауында 7,3 балдық жер сілкінісі болды. Республиканың вулканология және сейсмология институтының мәліметі бойынша, эпицентр Сарангани муниципалитетінен (Батыс Давао провинциясы) оңтүстік-шығысқа қарай 352 км жерде орналасқан, оның халқы 22,5 мыңнан асады. Ошақ 64 км тереңдікте жатқан.

Бұл аймақта жер сілкінісінің қайталану ықтималдығы жоққа шығарылмайды. Цунами қаупі жоқ, зардап шеккендер мен қираған жерлер туралы ақпарат болған жоқ.

Еске салайық, Индонезияда осыған дейінгі жер сілкінісі құрбандарының саны 268 адамды құраған.