Қазақстанда 118 монополияға қарсы тергеп-тексеру аяқталды – БҚДА
Қазіргі кезде 95 іс әлі жүргізіліп жатыр
Қазақстанда 118 монополияға қарсы тергеп-тексеру аяқталды. Бұл туралы Бәсекелестікті қорғау және дамыту агенттігі төрағасының орынбасары Болат Самбетов Орталық коммуникациялар қызметі алаңында мәлімдеді, деп хабарлайды Azattyq Ruhy.
Оның айтуынша, биыл Бәсекелестікті қорғау және дамыту агенттігі Қазақстанда бәсекелестікті қорғау саласындағы заңнамасын бұзудың алдын алу, анықтау және тергеп-тексеру, жолын кесу жөніндегі міндеттерді іске асыру мақсатында актілері, әрекеттері заңдылықты бұзуға әкеп соғатын, бәсекелестікті шектейтін немесе жоятын белгісіз топтың құқықтарын бұзатын тұлғаларға ден қою шараларын қабылдай отырып, кешенді шаралар қолға алынуда.
«Осы жылдың өткен кезеңінде монополияға қарсы орган нарық субъектілері мен мемлекеттік органдардың атына 442 хабарлама шығарды, оның 330-ы орындалды. Айта кетейік, хабарлама ескерту ретінде пайдаланылады. Бұл кәсіпкерлерге заңбұзушылық белгілерін өз еркімен жоюға мүмкіндік береді. Осылайша, оларды монополияға қарсы тергеп-тексеру орбитасына тартпайды. Сонымен қатар 118 монополияға қарсы тергеп-тексеру аяқталды. Оның 95-і әлі жүргізіліп жатыр», - деді Болат Сәмбетов.
