Бүгін еліміздің басым аумағында жаяу бұрқасын болып, қар жауады

Синоптиктер 22 желтоқсанға арналған ауа райы болжамын жариялады, деп хабарлайды Azattyq Ruhy.

«Атлантикалық циклонның терең жырасы мен атмосфералық фронталды бөліктердің өтуіне байланысты ҚР-ның басым бөлігінде жаяу бұрқасын болып, қар жауады, түнде шығыстың таулы аудандарында қалың қар жаууф мүмкін», - делінген «Қазгидромет» хабарламасында.  

Тек елдің батысында, оңтүстік-батысында солтүстік-батыс антициклонының әсерінен жауын-шашынсыз ауа райы сақталуы мүмкін.

Республика аумағы бойынша тұман, оңтүстікте, оңтүстік-шығыста көктайғақ болып, шығыс жартысында жел күшейеді.

Астанада көшпелі бұлт шығады, кей уақытта аздап қар жауады. Батыстан, оңтүстік-батыстан секундына 7-12 метр жел соғады. Ауа температурасы түнде -19-21, күндіз -17-19°С болады.

Алматыда көшпелі бұлт шығады, кей жерлерде қар жауады, тұман түседі, көктайғақ болады. Солтүстік-батыстан секундына 2-7 метр жел соғады. Ауа температурасы түнде -6-8, күндіз -2-4 °С болады.

Шымкентте көшпелі бұлт шығады, түннің бірінші жартысында қар жауады. Батыстан соғатын жел секундына 8-13 метрге жетеді. Ауа температурасы түнде -7-9, күндіз -1+1°С болады.