Қызылордалық тұрғын көпірден секіріп көз жұмды

Қызылордалық тұрғын көпірден секіріп қайтыс болды, деп хабарлайды Azattyq Rýhy Polisia.kz телеграм-арнасына сілтеме жасап.

12 желтоқсан күні сағат 21:50 шамасында Қызылордада 102 арнасына Қазбек би мен Қазантаев көшелері бойында орналасқан аспалы көпірден азаматшаның секіріп,  өз-өзіне қол жұмсауға әрекеттенгендігі жөнінде хабарлама түсті.

Аталған хабарлама бойынша жедел-тергеу тобы оқиға орнына жетті. Тексеру барысында, өкінішке орай, азаматшаның қайтыс болғандығы анықталды.

Аталған дерек бойынша ҚР ҚК-нің 105-бабының 3-бөлігімен (Өзiн-өзi өлтiруге дейiн жеткiзу) сотқа дейінгі тергеп-тексеру амалдары басталды. Тиісті  сараптамалар тағайындалды. Оқиғаның мән-жайы анықталуда.