Оңтүстік Кореяда коронавирустан алғашқы адам көз жұмды

Оңтүстік Кореяда коронавирустан алғашқы адам көз жұмды. Науқас індетті Тегу қаласындағы шіркеуде жұқтырғандардың бірі болған, деп хабарлайды «Хабар 24».

Қазір оның өлімі зерттеліп жатыр. Еске сала кетейік, бірер күн Тегу қаласындағы шіркеуге барған 61 жастағы әйелден қауіпті вирус анықталды. Ешбір науқаспен байланысқа түспеген әйел дертті ондаған адамға жұқтырған. Оқиға халық арасында алаңдаушылық туғызып отыр. Ал мәліметке қарағанда, Оңтүстік кореяда соңғы бір күн ішінде вирусты жұқтырғандардың саны 104-ке жеткен. Тағы 1860 адам тексеріліп жатыр.

«Елімізде коронавирустан алғаш рет адамның қайтыс болғанына өте алаңдаулымын. Осы себепті бүгін көшеге бетіме маска киіп шықтым. Қоғамдық көлікте барынша абай болу керек деп ойлаймын», - дейді жергілікті тұрғын Ким.