Түркияның Шанлыурфа қаласында жарылыс болды

Түркияның Сирияға жақын маңда орналасқан Шанлыурфа қаласында 6 қабатты тұрғын үйдің бірінші қабатында жарылыс болды, деп хабарлайды Azattyq Ruhy Anadolu агенттігіне сілтеме жасап.

Алдын ала деректерге қарағанда жарылыстан 4 адам жарақат алған, олар дереу арада ауруханаға жеткізілді.

Жарылыстан кейін ғимарат қирағаны хабарланды. Әзірге жарылыстың себептері белгісіз.

Оқиға орнына полицейлер, құтқарушылр мен жедел жәрдем бригадалары шақырылды.

Акчакале мэрі Мехмет Ялчинкая бұл террористік акті немесе құрылыс кезінде технологиялық талаптардың сақталмауынан болуы мүмкін екендігін айтты.