Оралда ақтөбелік блогер жетінші қабаттан секіріп, қайтыс болды

Azattyq Rýhy

Қазіргі кезде оқиғаның жай-жапсары анықталу үстінде

Оралда ақтөбелік блогер жетінші қабаттан секіріп, қайтыс болды
Фото ашық дереккөзден

Оралда ақтөбелік блогер Мұрат Бірмағамбетов жетінші қабаттан секіріп кетті. Бұл туралы БҚО полиция департаментінің баспасөз қызметі мәлім етті, деп хабарлайды Azattyq Rýhy.

Департамент мәліметінше, оқиға 27 қараша күні «Жеңіс» шағынауданында болды.

«Сағат 10.40-та 7-үйдің жанынан 1984 жылғы ер адамның мүрдесі табылды. Ол жетінші қабат балконынан секіріп, өзіне-өзі қол жұмсаған. Оқиға орнынан марқұмның өзі жазып кеткен жазба табылды. Қазіргі кезде ҚР ҚК 105-бабына (өзін-өзі өлтіруге дейін жеткізу) сәйкес сотқа дейінгі тергеу амалдары жүргізілуде», - делінген хабарламада.

Әлеуметтік желіден мәлім болғанындай, блогер әрі вайнер, Ақтөбе КВН құрамасының бұрынғы капитаны болған Мұрат Бірмағамбетов 19 қараша күні жоғалып кеткен еді. Соған байланысты іздеу салынған болатын.

Қазіргі кезде оқиғаның жай-жапсары анықталу үстінде.

×
Бұл желілік ресурстың ақпараттық өнімдері 18 жастан асқан адамдарға арналған.