Президент бірқатар ведомствоның басшыларын тағайындады

Президент Қасым-Жомарт Тоқаев бірқатар ведомстволардың басшыларын тағайындау туралы жарлықтарға қол қойды, деп хабарлайды Azattyq Rýhy Ақордаға сілтеме жасап.

Мемлекет басшысының жарлықтарымен:

•  Элиманов Жанат Қалдыбекұлы – Қазақстан Республикасы Қаржы мониторингі агенттігінің төрағасы;
•  Дархан Медеғалиұлы Жазықбаев – Қазақстан Республикасы Мемлекеттік қызмет істері агенттігінің төрағасы;
•  Ерғалиев Әсет Арманұлы – Қазақстан Республикасы Стратегиялық жоспарлау және реформалар агенттігінің төрағасы;
•  Марат Талғатұлы Омаров – Қазақстан Республикасы Бәсекелестікті қорғау және дамыту агенттігінің төрағасы.

Сонымен қатар, Президенттің жарлықтарымен тағайындалды:

•  Исабеков Сәкен Саинұлы-Қазақстан Республикасы Мемлекеттік күзет қызметінің бастығы;
•  Дадебаев Айбек Арқабайұлы-Қазақстан Республикасы Президентінің іс басқарушысы.

Естеріңізге сала кетейік, Мемлекет басшысы Ермек Сағымбаевты Қазақстан Республикасы Ұлттық қауіпсіздік комитетінің төрағасы етіп тағайындады. Өз кезегінде Олжас Бектенов Қазақстан Республикасы Сыбайлас жемқорлыққа қарсы іс-қимыл агенттігінің төрағасы болып тағайындалды.