Жетісу облысында республикалық маңызы бар жолдар жабылды

Azattyq Rýhy

Облыстық ТЖД алыс жолға шығудан бас тарту туралы ескертеді

Жетісу облысында республикалық маңызы бар жолдар жабылды
Фото ашық дереккөзден

Жетісу облысында күн райының қолайсыздығына байланысты республикалық маңызы бар жолдар жабылды. Бұл туралы облыстық төтенше жағдайлар департаментінің баспасөз қызметі мәлім етті, деп хабарлайды Azattyq Rýhy.

«26 қарашада сағат 14:30-дан бастап ауа райының нашарлауына байланысты (боран, шектеулі көріну) «Үшарал-Достық» республикалық маңызы бар автожолында (9-184 шақырымдары, Көктұма-Достық), республикалық маңызы бар «Алматы-Өскемен» автожолында («Көлбай ауылы-Абай облысының шекарасы», 485-615 км), республикалық маңызы бар «Сарыөзек-Көктал» автожолында (45-68 км, Алтын Емел асуы) көліктің барлық түрлері үшін қозғалыс жабылды», - делінген хабарламада.

Жетісу облыстық ТЖД азаматтардан осы бағыттағы сапарлардан бас тартуды және 112 қызметі беретін SMS хабарламаларды назардан тыс қалдырмауды сұрайды. Алыс жолға шыққан кезде ауа райы болжамымен танысып, төтенше жағдайларда қажет болуы мүмкін барлық заттарды бірге алып жүру керектігін еске салады.

×
Бұл желілік ресурстың ақпараттық өнімдері 18 жастан асқан адамдарға арналған.