Еуропаның кейбір елінде коронавирустан болатын өлім-жітім көбейген

Әлем бойынша коронавирус жұқтыру деректері осымен үш ай бойы төмендеп келе жатыр, деп хабарлайды Azattyq Ruhy әлемдік БАҚ-қа сілтеме жасай отырып.

Дегенмен, Еуропаның кейбір елінде вирустың таралу деңгейі қайтадан өсе бастады. Егер қазан айында Америка мен Азия елдерінде коронавирустың таралу деңгейі тұрақты болса, Еуропада вирустан болатын өлім-жітім саны соңғы айларда 1,5-2 есе артып кеткен.

Жалпы алғанда, қазан айында әлем бойынша коронавирустан 44 мың адам көз жұмған.  

Қазан айындағы статистикаға сүйенсек, әлемде коронавирус көп тараған ел Германия болған. Айдың бірінші жартысында бұл елде күніне 175 мың адамға дейін вирус жұқтырғаны анықталып отыр.