Еуроодақ Ресейдің құны 68 млрд еуро болатын активтерін бұғаттады

Еуропалық Одақ Ресейдің құны 68 миллиард еуроны құрайтын активтерін бұғаттады. Олардың басым бөлігі Бельгияда орналасқан, деп хабарлайды Azattyq Ruhy.

«68 млрд еуроның 50 млрд еуросы Бельгияда орналасқан», - деп жазады Politico басылымы Еурокомиссия құжатына сілтеме жасап.

Одан кейін 5,5 млрд еуроны құрайтын активтер Люксембургте бұғатталды. Екі елдің, сонымен қатар Италия, Германия, Ирландия, Австрия және Францияның үлесіне қазір Ресейдің тыйым салынған активтерінің 90 пайыздан астамы тиесілі екені көрсетілген.

Алайда ЕО-ға Ресейдің еуропалық елдердегі бұғатталған ұлттық қорының нақты көлемі белгісіз. Құжатта олар шамамен 33,8 миллиард еуроға бағаланады.