Президенттікке үміткер Нұрлан Әуесбаев әлеуметтік желіде есеп берді

Бүгін кандидант әлеуметтік желіде тікелей эфир өткізіп, кешегі митинг қорытындысы мен сайлауалды үгіт-насихат жұмыстарының аралық нәтижелерімен бөлісті, деп хабарлайды Azattyq Ruhy.

Нұрлан Әуесбаев агитациялық компания өз жұмысын бастағалы бері Қазақстанның бірқатар өңірлері мен ауылдарына сапармен барғанын айтты.

«Шымкент пен Алматыда болдым. Өңірлерде жұмыс қызу жүріп жатыр. Біздің белсенділер 30-дан астам іс-шара өткізді. Мәселен, күні кеше Медеуде «Денсаулық баспалдағымен» жүріп өтті. Оған дейін Шымкентте би флешмобын өткізді. Тұрақты түрде үгіт-насихат материалдары да таратылуда.

Кеше сондай-ақ Республикалық сайлауалды штабтың ұйымдастыруымен өткен митингіге де қатыстым. Күннің суығына қарамастан, шараға бізді қолдап 50 адам қатысты.

Бейбит митинг кезінде қазақстандықтарға кері әсерін тигізіп отырған қалалардағы тығыз құрылысқа қатысты өз ойымды білдірдім», - деп жазды Facebook парақшасында.

Еске салсақ, елімізде 20 қараша күні кезектен тыс президент сайлауы өтеді. Сайлауға бас-ағы 6 үміткер түседі.