Павлодар облысында жүргізушіні КамАЗ басып кетті

Павлодар облысында жүргізушіні КамАЗ басып кетті. Бұл туралы Павлодар облыстық ПД баспасөз қызметі мәлім етті, деп хабарлайды Azattyq Rýhу.

Департаменттің мәліметінше, қайғылы оқиға Ақсу қаласының жанармай құю станцияларыныі бірінің аумағында болған.

«31 қазан сағат 11.20 шамасында Ақсу қаласының жанармай құю станцияларыныі бірінің аумағында КамАЗ 5410 автокөлігінің 41 жастағы жүргізушісі осы көліктің қозғалтқышын іске қосуға тырысып, машинаның астында болған. Қозғалтқыш іске қосылған сәтте көлік орнынан қозғалып, жүргізушіні басып кеткен. Ол алған жарақаттарынан оқиға орнында қаза тапты», – делінген хабарламада.

Медициналық сараптама тағайындалды, тексеру жүргізілуде.