Италияда ер адам супермаркетте адамдарға шабуыл жасады

Милан қаласының жанындағы елді мекенде супермаркетте болған шабуылдан бір адам қаза тауып, бірнеше адам жараланды. Олардың арасында «Арсенал» футбол клубында ойнайтын испаниялық футболшы Пабло Мари де бар, хабарлайды Azattyq Ruhy Euronews-ке сілтеме жасап.

Жергілікті БАҚ-тың хабарлауынша, 46 жастағы ер адам келушілерге супермаркеттен алған пышақпен шабуыл жасаған.

Құқық бұзушы төрт адамды, оның ішінде сауда орталығында әйелі және ұлымен бірге келген футболшы Мариді де пышақтап кеткен. Спортшы ауруханаға тікұшақпен жеткізілді.

Үш адамның жағдайы ауыр. Қылмыскер қамауға алынды. Қазір тергеу амалдары жүргізіліп жатыр.