Бүгін еліміздің кей өңірінде жаңбыр жауып, соңы қарға ұласады

Синоптиктер 27 қазанға арналған ауа райы болжамын жариялады, деп хабарлайды Azattyq Ruhy.

«Қазақстанның басым бөлігі циклонға байланысты атмосфералық фронттардың ықпалында болатындықтан, жауын-шашын (жаңбыр, қар), республиканың солтүстігінде жаңбыр жауып, соңы қарға ұласады», - делінген «Қазгидромет» хабарламасында.

Республика бойынша жел күшейіп, облыстың онтүстігінде тұман, солтүстікте, шығыста, көктайғақ, жаяу бұрқасын болуы мүмкін.

Сонымен қатар еліміздің өзге аймақтарында жел күшейіп, тұман болады.

Астанада көшпелі бұлт шығады, өткінші жауын-шашын (жаңбыр осңы қарға ауысады), тұман түседі, көктайғақ болады. Оңтүстік-батыстан соғатын жел солтүстікке ауысады 9-14, екпіні 15-20 м/с жетеді. Ауа температурасы түнде және күндіз 0 шамасында болып, күндіз одан әрі төмендейді.

Алматыда көшпелі бұлт шығады, жаңбыр жауады. Жел 2-7 м/с жетеді. Ауа температурасы түнде +5+7, күндіз +8+10 болады.

Шымкентте көшпелі бұлт шығады, өткінші жаңбыр жауады. Батыстан соғатын жел солтүстік-батыстан 8-13, түнде екпіні 15-20 м/с жетеді. Ауа температурасы түнде +3+5, күндіз +11+13 болады.