Наурыз айында қазақстандықтар қалай демалады

2020 жылдың наурыз айында қазақстандықтар сегіз күн бойы мерекелік демалыста болады, деп хабарлайды Azattyq Rýhy тілшісі Uchet.kz сайтына сілтеме жасай отырып.

Наурызда отандастарымыз апта соңындағы демалыс күндерімен қатар, ұлттық және мемлекеттік мереке күндерінде де демалады. Ал сегіз мерекелік күн Халықаралық әйелдер және Наурыз мейрамдарына түсіп тұр. 

Қазақстан халқы Халықаралық әйелдер күні үш күн – 7, 8 және 9 наурызда, ал Наурыз мейрамы құрметіне бес күн – 21-25 наурыз күндері демалады. 

Осылайша, 2020 жылдың наурыз айында қазақстандықтар ең ұзақ демалыс күндерін өткізеді.