ШҚО-да 10 гектарға жайылған дала өрті сөндірілді

Шығыс Қазақстан облысы Ұлан ауданында 10 гектарға жайылған дала өрті сөндірілді. Бұл туралы ШҚО төтенше жағдайлар департаментінің баспасөз қызметі мәлім етті, деп хабарлайды Azattyq Rýhy.

Департамент мәліметіне сүйенсек, өрт бүгін Өскемен-Алматы тасжолының бойындағы Ұлан ауданы Қасым Қайсенов кентінің маңынан шыққан.

«Оқиға орнына өрт сөндірушілер шұғыл келіп жетті. Тілсіз жау шөп пен қамысты шарпыған. Көп ұзамай жалпы ауданы 10 гектарды құраған жалын толықтай ауыздықталды», - делінген хабарламада.

Отпен күреске барлығы 12 адам мен 5 техника жұмылдырылған. Өрттің нақты неден шыққаны анықталып жатыр.