Оралда төбелеске қатысқан ресейліктер елден шығарылды
Олар бұған дейін бес тәулікке қамалған болатын
Фото ашық дереккөзден
Орал қаласында төбелеске қатысқан ресейліктер елден шығарылды. Бұл туралы БҚО полиция департаментінің баспасөз қызметі мәлім етті, деп хабарлайды Azattyq Rýhy.
Департамент мәліметінше, тәртіп сақшылары ҚР заңнамасын бұзған РФ азаматтарын республика аумағынан шығарып жіберу туралы әкімшілік соттың шешімін орындады.
«Полиция қызметкерлері «Сырым» шекара бекеті арқылы екі ресейлікті елден шығарды. Сонымен қатар төбелеске қатысқан тағы екі ресейлік әкімшілік қамаққа алу мерзімі аяқталғаннан кейін ҚР аумағынан шығарылады», - делінген хабарламада.
Еске сала кетейік, Оралда түнгі клубтың жанында төбелеске қатысқан Ресей азаматтары бес тәулікке қамалған болатын.
Серіктес жаңалықтары
Көп оқылған
16.04.2025, 10:52
«Күйеуім ешнәрсе сыйламайды»: Ерке Есмахан мұңын шағып, сырын ашты
16.04.2025, 10:58
«Бетіне тігіс салды»: Астана мектебінде ерекше бала оқушы қыздың көзінің тұсына маркер сұғып алған
