Шымкентте 1-курс студенті қайтыс болды

Оның денесі жатақханадан табылды

Фото ашық дереккөзден

Шымкент қаласының полиция департаменті 1 курс студентінің қайтыс болғанын мәлімдеді, деп хабарлайды Otyrar.

Қайғылы оқиға 22 қыркүйекке қараған түні болды. Жедел жәрдем қызметкерлері мәйіттің жатақханада табылғаны туралы полицияға хабарлады.

Куәгерлердің айтуынша, 1-курс студенті екі студентпен ерегесіп қалған. Олардың бірі кеудесінен, ал екіншісі иығынан ұрғаны белгілі болды. Осыдан кейін жағдайы күрт нашарлаған. Жігіт жедел жәрдем келгенге дейін қайтыс болды.

Әл-Фараби АІІБ қызметкерлері ҚР ҚК 106-бабы бойынша тергеу жүріп жатыр. Оқиғаның мән-жайы анықталуда. Іс бойынша сот-медициналық сараптама тағайындалды.

Мақалада

#Шымкент #студенттер #қайғылы оқиға

Алдыңғы жаңалық

«Ресейлікке тұрмысқа шығуға дайынмын»: павлодарлық әйел Қазақстан азаматтығын алу жөнінде көмек ұсынды