Қазақстанның басым бөлігінде әлі де жауын-шашынсыз ауа райы сақталады

Синоптиктер 22 қыркүйекке арналған ауа райы болжамын жариялады, деп хабарлайды Azattyq Ruhy.  

«ҚР аумағының басым бөлігі әлі де ауқымды антициклонның ықпалында болғандықтан, жауын-шашынсыз ауа райы сақталады. Атмосфералық фронталды бөліктердің өтуіне байланысты еліміздің батысында, оңтүстік-шығысында найзағайлы жаңбыр жауады, екпінді жел соғады. Түнде және таңертең еліміздің солтүстігінде тұман түсуі мүмкін», - делінген «Қазгидромет» хабарламасында.

 Қызылорда, Түркістан, Жамбыл облыстарының басым бөлігінде, Ақтөбе облысының оңтүстігінде, шығысында, Абай облысының солтүстік-батысында, солтүстігінде, шығысында, Павлодар облысының орталығында төтенше өрт қаупі сақталады. Қостанай облысының басым бөлігінде, Қарағанды облысының шығыс бөлігінде, Ұлытау облысының оңтүстігінде, шығысында жоғары өрт қаупі сақталады.

Түнде Шығыс Қазақстан облысының солтүстік-шығысында топырақ бетінде 1 градус үсік сақталады.