«Үшінші дүниежүзілік соғысты бастайды»: Американдықтар Байденнің Қытай туралы айтқанын сынға алды

АҚШ-тың Twitter қолданушылары президент Джо Байденнің Тайвань жағында Қытаймен соғысқа қатысуға дайын екендігі туралы жаңа мәлімдемесіне ашуланды, деп хабарлайды Azattyq Rýhy РИА Новости порталына сілтеме жасап.

«Бұл адамның біліксіздігі үшінші дүниежүзілік соғысты бастайды!», - деп жазды желі қолданушылары.

Тағы бір желі қолданушысы: «Бұл американдық армия үшін үлкен проблема болады, өйткені ер адамдар әйел ретінде таныла бастайды", - деп қалжыңдады.

«Америка мен бүкіл әлемге үлкен қауіп төніп тұр. Президент Байден Тайваньды қорғау үшін әскер жібереді дейді, бірақ Мемлекеттік хатшы Блинкен керісінше дейді. Екі әскери қылмыскер де отставкаға кетуі керек", - дейді саясаткер Джеффри М.Янг.

«АҚШ-тағы барлық мемлекет қайраткерлері Қытайға қауіп төндірмесе, оларды "әлсіз" деп айыптайтынын біледі. Штаттардағы саяси мәдениет соғысқа тәуелді болды!", - деді Брайан Беккер.

Бұған дейін Ақ үй басшысы CBS телеарнасына берген сұхбатында Тайваньның Қытаймен қарулы қақтығысы басталған жағдайда Вашингтон Тайбэй жағында қақтығысқа түсетінін айтқан болатын. Тамыз айында бұл аймақтағы жағдай АҚШ Конгресінің Өкілдер палатасының спикері Нэнси Пелосидің аралға сапарынан кейін шиеленісе түсті. Қытай Тайваньның егемендігін мойындамайды, оны өзінің провинциясы деп санайды және бүлікші аймақ билігінің басқа елдердің шенеуніктерімен байланысына үзілді-кесілді қарсы.