Алматы облысында ауаға оқ атқан күдікті ұсталды

12 қыркүйек күні Алматы облысы, Қарасай ауданы, Кемертоған ауылында ауаға оқ атқан азамат ұсталды, деп хабарлайды Azattyq Ruhy.

«Тау самалы Қызмет» МКК қызметкерлері мен Қарасай ауданы Іргелі ауылының тұрғындары резервуарларды толтыру үшін қосымша су көзін салуды бастаған. Бұған бұрынғы директор қарсылық танытқан. Ақыры оның күйеуі өзіне тиесілі газ тапаншасымен бірнеше рет ауаға оқ атқан»,-деп көрсетті Алматы облыстық Полиция департаменті.

Күдікті Қарасай аудандық полиция бөліміне жеткізілді.

Тергеу амалдары жүріп жатыр.