«Жастар Рухы» Павлодар облысында «Жылыту кезеңіндегі өрт қауіпсіздігі» акциясын өткізді

10 қыркүйекте Павлодар облысы ТЖ департаментінің қызметкерлері жергілікті полиция қызметінің қатысумен, «AMANAT» партиясының «Жастар Рухы» жастар қанатының және Қызыл Жарты Ай қоғамының еріктілерімен бірлесіп «Жылыту кезеңіндегі өрт қауіпсіздігі» акциясын өткізді. Бұл туралы Azattyq Ruhy партияның баспасөз қызметіне сілтеме жасап хабарлайды.

«Іс-шараның негізгі мақсаты – жазатайым оқиғалардың, өрттердің және адамдардың қаза болу қаупін азайту», - деп атап өтті Павлодар облысы ТЖД бастығының м.а. Қайрат Шаймарденов.

Акцияға 45 адам қатысты, құтқарушылар, полицейлер және партия жастары 300-ден астам павлодарлыққа профилактикалық түсіндіру жұмыстарын өткізді.

«Жыл сайын түсіндіру жұмыстарының арқасында тұрмыстық өрттердің саны айтарлықтай төмендеді. 2021-2022 жж. жылыту маусымының өткен кезеңінде өрттер саны 52%-ға төмендеді. Азаматтық қорғау органдарының қызметкерлері халықтың әлеуметтік осал топтарына ерекше назар аударады. Әкімдіктер мен ҮЕҰ қаражаты есебінен өткен жылы 1 112 улы газ датчигі орнатылды, 488 үйдің түтіндіктері тазартылды, 123 үйде от алдыру алдындағы металл табақтар орнатылды», - деп атап өтті жергілікті құтқарушылар.

Акцияға қатысқан «Жастар Рухы» жастар қанатының еріктілері осындай профилактикалық әңгімелердің маңыздылығын атап өтті.

«Біз жергілікті қызметтерге, әсіресе азаматтық қауіпсіздік мәселелеріне қатысты көмекке әрқашан дайынбыз. Осындай жобаларға қатыса отырып, жастар павлодарлықтарға қарапайым және түсінікті тілмен өрт қауіпсіздігінің ережелерін жеткізіп қана қоймай, өзекті және маңызды тәжірибе алады», - деп атап өтті «AMANAT» партиясының Павлодар облыстық «Жастар Рухы» ЖҚ филиалының төрайымы Санира Жүсіпова.