Коронавирус құрбандарының саны 1018 адамға жетті

2019-nCoV вирусынан болатын өкпе қабынуы 1018 адамның өмірін жалмап үлгерді. Бұл туралы ҚХР Денсаулық сауқтау мәселелері жөніндегі мемлекеттік комитеті мәлімдеді деп жазады ТАСС.

Қытайда жаңа коронавирустан өткен тәулікте 108 адам қайтыс болған. 3996 адам ауруынан айығыпты. Ал, жалпы вирусты жұқтырғандардың саны 42 638-ді құрап отыр. Барлығы 1018 науқас көз жұмды.

10 ақпан күні ҚХР төрағасы Си Цзиньпин Қытайдың коронавирусқа қарсы соғыс жариялайтынын мәлімдеген болатын. Ол елдегі бүкіл мемлекеттік органдар мен коммунистік партия күш біріктіріп, ауруды жоюдың жолын қарастырып жатқанын айтты.