Қызылордада жоғалып кеткен 26 жастағы тұрғын 2 айдан бері табылмай жатыр
Ол 13 шілдеде үйінен белгісіз бағытқа шығып кеткен
Қызылордада үйінен белгісіз бағытқа кеткен 26 жастағы қала тұрғыны екі айдан бері табылмай жатыр. Бұл туралы Қызылорда қалалық полиция басқармасы мәлім етті, деп хабарлайды Azattyq Rýhy.
Полиция басқармасының хабарлауынша, 26 жастағы Наурызбай Бану Шаймерденқызы 13 шілдеде үйінен белгісіз бағытқа шығып кеткен. Содан бері қайта оралмаған.
«Осыған байланысты Қызылорда қалалық полиция басқармасы іздеу салады. Оны Қызылорда қаласындағы Аманкелді көшесінде орналасқан көпқабатты үйдің ауласынан соңғы мәрте көргендер бар. Бойы 160-165 см, орта денелі, шашы ұзынша келген және қара түсті, оң жақ көзінде меңі бар. Ақ түсті көйлек, аяғына ақ түсті кроссовка киген. Аталған хабарлама бойынша қандайда бір ақпарат немесе жүрген жері туралы мәлімет білген жағдайда 8 (7242) 29 75 20 телефон нөміріне немесе 102 арнасына қоңырау соғуды сұраймыз», - делінген хабарламада.
