Елордада көшеге түкіріп жүрген 23 адамға айыппұл салынды

Елордада көшеге түкіріп жүрген 23 адамға айыппұл салынды. Тәртіп бұзғандарды екі күн ішінде «сергек» камераларының көмегімен және полицейлер анықтаған, деп хабарлайды Azattyq Rýhy.

Көшені ластағандар 5 айлық есептік көрсеткіш бойынша 15 900 теңге айыппұл төлейді. Екінші рет қайталанса айыппұл еселенеді.

 Естеріңізде болса, елордалық мәслихат депутаттары қоғамдық орындағы тәртіпке қатысты заңды күшейтуді ұсынды. Көшеде, қоғамдық орындарда түкіруге және қоқыс тастауға тыйым салынады.

Полиция департаментінің дерегінше, биыл көшені ластағаны үшін алты мың адамға айыппұл салынған екен.