Елордада бірқатар көшелер жабылды

Нұр-Сұлтан қаласының Көлік және жол-көлік инфрақұрылымын дамыту басқармасы Нұр-Сұлтан қаласы ПД әкімшілік полиция басқармасының келісімімен Мұхтар Әуезов көшесіндегі жол төсемін жөндеуді бастады, деп хабарлайды Azattyq Rýhy.

Осыған орай 19-21 тамыз аралығында Сәкен Сейфуллин көшесінен Әліби Жангелдин көшесіне дейінгі учаскеде автокөлік құралдары үшін қозғалыс толығымен жабылады.

«Елорда тұрғындары мен қонақтары қала жолдарында кептеліс тудырмау үшін қозғалыс бағыттарын алдын ала жоспарлауы қажет. Келтірілген қолайсыздықтар үшін кешірім сұраймыз және жөндеу жұмыстарын жүргізуге түсіністікпен қарауды сұраймыз», - деп мәлім етті Нұр-Сұлтан қаласының Көлік және жол-көлік инфрақұрылымын дамыту басқармасы.