Щучинскте бас сүйегіне арматура кіріп кеткен балаға ота жасалды

Щучинскте бас сүйегіне арматура кіріп кеткен бала аман қалды, деп хабарлайды Azattyq Ruhy.

Щучинскте футбол ойнап жүрген 10 жасар бала байқаусызда қоршаудың шығып тұрған теміріне басымен соғылып, қадалып тұрып қалған. Көмек көрсеткен адамдар баланы босату үшін темірді түбінен кесіпті.

Оқушы басындағы металмен сол күйі ауруханаға жеткізілді. Дәрігерлер тексеріп, миы мен басқа да органдарына зақым келмегенін анықтап, ота арқылы басынан арматураны алып шықты.

Отадан кейін оқушы жансақтау бөлімінен жалпы палатағы ауыстырылды, жағдайы қалыпты.