Қызылордада кәсіпкер 300-ге жуық мектеп формасын қала аумағында орналасқан мектептерге сыйға тартты

Қызылорда қаласының мәслихат депутаты, кәсіпкер Ділмұхамед Әбізов бағаны тұрақтандыру және мектеп формаларына қолжетімділікті қамтамасыз ету үшін 7000 теңгеден 600 мектеп формасын сатылымға шығарғанын мәлім етті, деп хабарлайды Azattyq Ruhy.

Ол сөз басында еліміздің барлық өңірінде «AMANAT» партиясының ұйымастыруымен жүзеге асырылып жатқан «Баланы мектепке даярлайық!» республикалық акциясынан қалалық мәслихат депутаты ретінде қалыс қалмауды жөн көргенін мәлім етті.

«Аталмыш акция аз қамтылған және көпбалалы отбасылардың оқушыларына көмек көрсетуді көздейді. Осы орайда «DALATEX» тігін фабрикасында шығарылған 100 мектеп формасы Шиелі ауданы мектептеріне және 300-ге жуық мектеп формасы қала аумағында орналасқан мектептерге сыйға тартылды.

Сондай-ақ бағаны тұрақтандыру және мектеп формаларына қолжетімділікті қамтамасыз ету мақсатында 7000 теңгеден 600 мектеп формасының жиынтығы сатылымға шығарылды», - дейді Ділмұхамед Әбізов.