Ақтау-Жетібай тасжолында көлік жарылды

Ақтау-Жетібай тасжолында көлік жарылып кетті, деп хабарлайды Azattyq Ruhy.

Маңғыстау облыстық полиция департаментінің хабарлауынша, оқиға Ақтау-Жетібай тасжолының 35 шақырымында болған.

 Lada.kz сайты оқиға 12 тамыз күні сағат 20:20 шамасында болғанын жазды.  Ақтау маңында 1995 жылы шығарылған Nissan Maxima көлігінен өртеніп, жарылып кетті.

Өртті сөндіруге жеке құрамның бір техникасы мен бес адамы жұмылдырылды. Сағат 20:58-де толықтай сөндірілді.

Өрттің шығу себебі анықталып жатыр.