Павлодарда ғимаратқа заңсыз кірмек болған ер адамның қолын жеделсаты қысып қалды

Azattyq Rýhy

Қазір ПД ер адамның бұл ғимаратта не бітіріп жүргенін анықтап жатыр

Павлодарда ғимаратқа заңсыз кірмек болған ер адамның қолын жеделсаты қысып қалды
Фото ашық дереккөзден

Павлодарда ғимараттардың біріне заңсыз кірмек болған ер адам жеделсаты шахтасында қысылып қалып қойған. Бұл туралы облыстық ПД баспасөз қызметі мәлім етті, деп хабарлайды Azattyq Rýhy.

Оқыс оқиға 2022 жылы 10 тамызда орын алды. Шақырту бойынша оқиға орнына келіп жеткен полиция жасағы құтқарушылармен бірге қолы қысылып қалған ер адамды жеделсатыдан алып шықты.

«Бес қабатты бос ғимараттың шатырында жүк тиейтін жеделсаты шахтасында трос пен механизм тұғыры арасына ер адамның оң қолы (иығы) қысылып қалғаны анықталды. Құтқарушылар жеделсаты қызметінің қызметкерлерімен бірге 27 жастағы қала тұрғынын құтқарды», - делінген хабарламада.

Қазір ПД бұл ғимаратта ер адамның не бітіріп жүргенін анықтап жатыр.

×
Бұл желілік ресурстың ақпараттық өнімдері 18 жастан асқан адамдарға арналған.