Түркістан облысында мұғалімді жұмысқа орналастыру үшін пара алған мектеп директорына үкім шықты

Azattyq Rýhy

Оған мемлекеттік қызметте қызмет атқаруға өмір бойына тыйым салынды

Түркістан облысында мұғалімді жұмысқа орналастыру үшін пара алған мектеп директорына үкім шықты
Фото ашық дереккөзден

Осы жылдың 21 шілдесінде Түркістан облысы Түлкібас аудандық соты Түлкібас ауданындағы Майлыкент жалпы орта мектебінің директоры Ақмарал Айсадықоваға қатысты айыптау үкімін шығарды. Бұл туралы Azattyq Ruhy Сыбайлас жемқорлыққа қарсы іс-қимыл Агенттігінің Түркістан облысы бойынша департаментіне сілтеме жасап хабарлайды.

Сот үкімімен оған 6 млн теңге айыппұл төлеу жазасы мемлекеттік қызметте қызмет атқаруға өмір бойына тыйым салумен тағайындалды.

«А.Айсадыкова ағылшын тілі мұғалімінен жұмысқа орналастыру және жалпы қамқорлығы үшін 200 000 теңге көлемінде пара алғаны үшін кінәлі деп танылды.

Үкім заңды күшіне енген жоқ», - делінген хабарламада.

×
Бұл желілік ресурстың ақпараттық өнімдері 18 жастан асқан адамдарға арналған.