Ақмола облысында туберкулез жұқтырғандар саны көбейді

Ақмола облысында туберкулез жұқтырғандар саны өткен жылдың алғашқы жартыжылдығымен салыстырғанда 1,04 есеге артқан, деп хабарлайды Azattyq Ruhy.

«Жаңадан анықталған туберкулездің 168 жағдайы тіркелді, 100 мың тұрғынға шаққанда сырқаттанушылық көрсеткіші 22,9-ды құрады. Қазақстан бойынша 6 айдағы көрсеткіш -19,62», - деп көрсетті Санитариялық-эпидемиологиялық бақылау комитеті.

Сырқаттанғандардың көбі тыныс алу ағзалары туберкулезіне шалдыққан. Олардың  үлесі 90,5% тең.

Санитариялық-эпидемиологиялық бақылау комитетінің мәліметіне қарағанда, өңірде 14 жасқа дейінгі 6 бала аталған ауруды жұқтырған. Көкшетау қаласында - 3, Степногор қаласында - 1 және Целиноград ауданында - 2 баладан туберкулез анықталған.