Астанаэнергосбыт функцияларының бір бөлігі Астана-АЭК-ке беріледі. Тұтынушылар үшін қандай өзгерістер бар?

«Астанаэнергосбыт» ЖШС-нің функцияларының бір бөлігін «Астана-АЭК» АҚ-ға береді, деп хабарлайды Azattyq Ruhy қалалық әкімдікке сілтеме жасап.

«1 шілдеден бастап «Астана-АЭК» АҚ көппәтерлі тұрғын үй қоры бойынша қосымша функцияларды орындауды бастады. Атап айтқанда, ұйым электр энергиясын есепке алу құрылғыларынан көрсеткіштерді алу, пломбалау, абоненттерді ажырату немесе желілерге қосу және т.б. қызметін кезең-кезеңімен өзіне алады», деп көрсетті қалалық әкімдіктің баспасөз қызметі.

«Астана-АЭК» АҚ 2022 жылдың бірінші шілдесінен бастап көппәтерлі тұрғын үй қоры бойынша қосымша функцияларды орындауды бастады:

КТҚ электр энергиясын есепке алу құралдарының көрсеткіштерін ай сайын алу (есепке алу құралы пәтерде орнатылған жағдайда, техникалық жай-күйін тексеру үшін бақылаушыны кіргізу қажет). Айдың 10-күнінен бастап соңына дейін есепке алу құралдарының көрсеткіштерін беру арқылы тұтынушының өзіне-өзі қызмет көрсетуіне жол беріледі:

Есептік айдағы электр энергиясының көлемімен тізілімді қалыптастыру және көрсетілген қызметтерді КТҚ есептеу үшін энергиямен жабдықтаушы ұйымға мәліметтерді беру;

КТҚ және кондоминиум объектілерінде электр энергиясын коммерциялық есепке алу жүйесін пломбалау;

КТҚ-да электр энергиясын есепке алудың дұрыстығын тексеру, ұрлауды және шартсыз пайдалануды анықтау;

КТҚ тұтынушыларымен, жеке сектормен және заңды тұлғалармен энергиямен жабдықтау шартын жасасу үшін құжаттарды жинау және оларды энергиямен жабдықтаушы ұйымға беру;

КТҚ тұтынушыларын дебиторлық берешек үшін желілерден ажырату/қосу.

Жоғарыда аталған функцияларды бұрын энергиямен жабдықтаушы ұйым «Астанаэнергосбыт» ЖШС жүзеге асырғанын атап өткен жөн. «Астана-АЭК» АҚ жоғарыда айтылған функциялардың кезең-кезеңмен ауысуы кезінде «Астанаэнергосбыт» ЖШС-мен өзара іс-қимылды жалғастырады: 1 шілдеден бастап Есіл ауданы, 1 тамыздан Сарыарқа ауданы, 1 қыркүйектен бастап Алматы ауданы, 1 қазаннан Байқоңыр ауданы.