Жезқазғанда зейнеткерге шабуыл жасаған ер адам ұсталды

Ұлытау облысы Жезқазған қаласында белгісіз ер адам зейнеткердің үйінің есігін бұзып кіріп, бағалы заттарын алып кеткен, деп хабарлайды Azattyq Ruhy.

69 жастағы қала тұрғыны полицияға хабарласып, белгісіз біреу қорқытып екі ұялы телефонын, құжаттарын және алтын бұйымдарын алып кеткенін хабарлаған.

"Жедел-іздестіру іс-шаралары барысында криминалдық полиция қызметкерлері 35 жастағы ер адамды ұстады. Ол кінәсін толық мойындады және айғақ заттар тәркіленді", - деп көрсетті Қарағанды облыстық Полиция департаменті.

Аталған факті бойынша полицияда ҚР ҚК 191-бабымен қылмыстық іс қозғалды.