Маңғыстауда сынап бағанасы 50 градусты көрсетті

Маңғыстау облысының Жетібай елдімекенінде жұмысшылар 50 градус ыстықты көрсетіп тұрған өлшеу құралын видеоға түсірген. Бұл туралы Azattyq Ruhy Lada.kz-ке сілтеме жасап хабарлайды.

Жұмысшылардың сөзіне қарағанда олар күн қанша ыстық болса да жұмыстарын тоқтатпаған.

«Кешелі -бүгінді «ЖетібайМұнайГаз» «ОSC», «Ақтаукрантехсервис», «West Oi», «МаңғыстауМұнайГаз», басқа да ұсақ компаниялар жұмыстарын жалғастырып жатыр», -дейді видео авторы.

rp5 сайтының мәліметіне қарағанда, 18 шілде күні сағат 17:00 шамасында Маңғыстау облысының Тұщықұдық ауылында максималды температура тіркелген, мұнда сынап бағанасы +46 көрсетті.

Gismeteo сайтының мәліметінше апта соңына дейін Шетпе, Жетібай және Жаңаөзенде ауа температурасы 43 градус, ал Бейнеуде 44 градус болады.