Қазгидромет демалыс күндеріне арналған ауа райы болжамын жариялады

Қазгидромет РМК демалыс күндеріне арналған ауа райы болжамын жариялады, деп хабарлайды Azattyq Ruhy.

Қазақстанның бірқатар өңірінде оңтүстік циклонның әсерінен жаңбыр жауады. 16 шілдеде солтүстік-батыста, 16-17 шілдеде солтүстікте, 17 шілдеде республиканың шығысында найзағай ойнап, қатты жел тұрады, жаңбыр жауады, сонымен қатар бұршақ жаууы мүмкін.

Демалыс күндері солтүстік-батыс антициклонның жотасы еліміздің батысы мен оңтүстігінде жауын-шашынсыз ауа райына ықпал етеді. Елдің оңтүстігінде шаңды дауыл күтіледі.

Ауа температурасының негізгі аясы: күндіз батыста +30+40°С, солтүстік-батыста +25+40°С, оңтүстік-батыста +36+45°С, оңтүстікте +33+42°С, оңтүстік-шығыста +20+35°С болса, еліміздің солтүстігінде + 24+33°С-тан +20+30°С-қа дейін, ортасында +27+38°С-тан +23+33°С-қа дейін, шығысында +21+33°С-тан +16+28 ° С-қа дейін төмендеуі күтіледі.