Қызылорда – Павлодар тасжолында екі жүк көлігі соқтығысып, бір адам қаза болды

Жол-көлік оқиғасы Бәйет ауылы маңындағы тасжолда болған, деп хабарлайды Pavlodarnews.kz.

Павлодар облысы апаттық медициналар орталығының мәліметінше, 13 шілде күні сағат 17.27-де  Қызылорда – Павлодар тас жолында екі жүк көлігі соқтығысқан.

«Сағат 17.29-да Павлодар облысы бойынша Шідерті трассалық медициналық-құтқару пункті, ҚР ТЖМ апаттар медицинасы орталығының шұғыл әрекет ету бригадасы жол-көлік оқиғасы болған орынға шықты. Оқиға орнында бір адамның қаза тапқаны анықталды», - дейді орталықта.

Екінші зардап шеккен адамға медициналық көмек көрсетілді.