Израильде көне мешіттің іргетасы табылды

Израильдің археологтары елдің оңтүстігіндегі Негев шөлінен көне мешіттің іргетасын анықтады. Бұл туралы Azattyq Ruhy Еuronews-ке сілтеме жасап хабарлайды.

Мешіт іргетасы Рахат қаласындағы жаңа кварталдың құрылыс жұмысы кезінде табылған. Оның көлемі шағындау, ал формасы шаршы тәріздес келген. Сол сияқты жартылай дөңгелек ғибадат орны – михраб болған.

Мешітке таяу жерден византия кезеңінің фермер үйі және исламның ерте кезеңіне тән орны да табылған. Жергілікті мамандар бұл артефактілердің ғалымдарға өңірдің христиан дінінен Исламға қалай өткенін тереңірек түсінуге септігін тигізетінін мәлім етті.