Қасым-Жомарт Тоқаев Доха қаласына жұмыс сапарымен барды

Мемлекет басшысы Қасым-Жомарт Тоқаев Қатар Әмірінің жеке шақыруымен Доха қаласына жұмыс сапарымен барды, деп хабарлайды Azattyq Rýhy.

Бұл туралы Ақорданың баспасөз қызметі мәлім етті.

«Ертең Қазақстан Президенті Қатар экономикалық форумына қатысады, сондай-ақ Әмір Тамим бен Хамад Әл Тәнимен кездесу өткізеді», - делінген Ақорда хабарламасында.

Айта кетсек, Қасым-Жомарт Тоқаев Катар экономикалық форумына қатысады.

Екінші Қатар экономикалық форумының тақырыбы – «Жаһандық экономиканы қалыпқа келтіруде теңдікке қол жеткізу».