Шығысқазақстандықтар заңсыз сақталған 149 атыс қаруын тапсырды

Azattyq Rýhy

Олардың алдын ала сомасы – 9 846 753 теңге

Шығысқазақстандықтар заңсыз сақталған 149 атыс қаруын тапсырды
Фото ашық дереккөзден

Шығыс Қазақстан тұрғындары заңсыз сақталған 149 атыс қаруын тапсырды. Бұл туралы аймақтағы полиция департаменті мәлім етті, деп хабарлайды Azattyq Rýhy.

ПД мәліметінше, 2014 жылдан бері ел аумағында Үкімет қаулысына сәйкес халықтан заңсыз сақталған атыс қаруын, оқ-дәрілер мен жарылғыш заттарды ерікті түрде сатып алу акциясы өткізіледі.

 «Қару-жарақ заттарын өз еркімен тапсырғаны үшін қарудың түрі мен санатына қарай республикалық бюджеттен төлем жасау көзделеді, төлем 10-нан 100 АЕК-ке дейін, ал ақшалай баламада 31 800-ден 318 мың теңгеге дейін құрайды. Екі айдың ішінде азаматтардан 110 өтініш түсті, 149 бірлік атыс қаруы, оның ішінде 26 ойық және 123 тегіс ұңғылы қару қабылданды, 370 ойық оқ-дәрілері жиналды. Олардың алдын ала сомасы – 9 846 753 теңге», - деп жазды ведомстводан.

 

×
Бұл желілік ресурстың ақпараттық өнімдері 18 жастан асқан адамдарға арналған.