БҚО-да жол апатынан екі адам қаза болды

Azattyq Rýhy

Тағы бір адам ауруханада көз жұмды

БҚО-да жол апатынан екі адам қаза болды

Батыс Қазақстан облысында «Лексус» автокөлігі аударылып, жүргізушісі оқиға орнында қаза болды. Көліктегі тағы бір адам ауруханада көз жұмды. Бұл туралы Azattyq Ruhy облыстық Полиция департаментінің баспасөз қызметіне сілтеме жасап хабарлайды.

«07.06.2022 сағат 19:15-те Жалпақтал-Чапаев автожолының 115-шақырымында «Лексус» автокөлігі аударылып қалды. Жол апаты салдарынан 1986 жылғы жүргізуші оқиға орнында қайтыс болды.

Автокөлікте отырған жолаушы әйел Жалпақтал ауылындағы аудандық ауруханаға жатқызылды. Сағат 23:55-те 1990 жылғы жолаушы әйел ауруханада көз жұмды», - делінген хабарламада.

Қазіргі кезде ҚР ҚК 345-бабына сәйкес қылмыстық іс қозғалды.

×
Бұл желілік ресурстың ақпараттық өнімдері 18 жастан асқан адамдарға арналған.