Си Цзиньпин ДДСҰ-ға коронавирусты жеңеміз деп уәде берді

ҚХР Төрағасы Си Цзиньпин Қытайға арнайы келген Дүниежүзілік Денсаулық сақтау ұйымының басшысы Тедрос Адхан Гебрейесуспен кездесті, деп хабарлайды Azattyq Rýhy.

«Интерфакс» агенттігінің жазуынша, қытайлық көшбасшы Пекиннің 2019-nCoV коронавирусының таралуын тоқтата алатынына сенетінін айтқан.

Өз кезегінде, ДДСҰ басшысы вирус геномы салдарларының жылдам анықталуына және оның жылдам тарап кетпеуіне қатысты қабылданған шараларға жоғары баға берді.

Гебрейесус сондай-ақ, ДДСҰ-ның Қытайға барлық қажетті көмекті беруге дайын екенін атап өтті.  

Айта кетсек, қазіргі таңда Қытайда короновирустан көз жұмған адамдардың саны 106-ға жеткен. Инфекцияны 30 провинцияда 4515 адам жұқтырған. Әлемнің 15 елінде 80 науқас тіркелген.