Қытайда коронавирустан көз жұмғандар саны 106 адамға жетті

Қайтыс болғандардың 100-і Хубэй провинциясының тұрғындары

Қытайда тараған жаңа коронавирусты жұқтырған адамдар саны 4515-ке жетті. Олардың 106-сы қайтыс болған деп хабарлайды ҚХР Денсаулық сақтау мәселесі жөніндегі мемлекеттік комитеті.

Бір тәулік бұрын ауруды жұқтырғандар саны – 2744, қайтыс болғандар саны 80 адам болатын. Яғни, 24 сағат ішінде вирус жұқтырған 1771 адам тіркелсе, тағы 26 адам көз жұмған (24 – Хубэй провинциясында, 1 – Пекинде, тағы бірі Хайнань провинциясында).

Қытай билігінің мәліметінше, вирусты жұқтырған 976 адамның жағдайы ауыр. 60 адам ауруханадан шығарылған. Тағы 7 мыңға жуық адамда ауру қаупі бар деген күдікпен оқшауланған. Ал, вирус жұқтырғандармен қатынаста болған 44 132 адам дәрігерлер бақылауында.

Сұхбат
«Сергек» қожайыны жоба туралы бар шындықты айтты
Қазақстан ЖОО-ларында 17 мыңға жуық Өзбекстан азаматы білім алып жүр
Бірінші дәрежедегі маманның айтуынша, Қазақстандағы әрбір бесінші-алтыншы әйел қалқанша без ауруына шалдыққан
Саясаттанушы АҚШ мемхатшысы Майк Помпеоның Орталық Азия елдеріне жасаған сапары нені көздейтіне кеңінен тоқталды