Петропавлдық кәсіпкерлер Салық кодексіне енгізілген түзетулерге наразы

Кәсіп иелері электрондық порталдың дұрыс жұмыс істемейтініне шағымданды

Петропавлдық кәсіпкерлер Салық кодексіне енгізілген түзетулерге наразы

Петропавлдық кәсіпкерлер Салық кодексіне енгізілген түзетулерге наразылық білдірді. Бизнес өкілдерінің айтуынша, заңнаманадағы жаңашылдықтар жұмысқа айтарлықтай кедергі келтіреді. «AMANAT» өңірлік партия штабы мүшелерімен кездескен кәсіпкерлер электрондық порталдың дұрыс жұмыс істемейтініне шағымданды, деп хабарлайды Azattyq Rýhy тілшісі.

Жиында ел Конституциясына өзгерістер мен толықтырулар енгізу тақырыбы талқыланды. Сонымен қатар шағын бизнес өкілдері бірқатар өзекті мәселелері туралы айтты. Жеке кәсіпкер Наталья Апретова көптеген жылдар бойы ойын-сауық агенттігін басқарады, балалар мерекелері мен мерейтойларын ұйымдастырады. Партия штабы мүшелерінің алдында әйел жақында Салық кодексіне бірқатар өзгеріс пен түзетулер енгізілгеніне наразы екенін білдірді. Өтініш берушінің айтуынша, мұндай әрекеттер бизнестің жұмысын күрделендіре түседі.

«Кодекске енгізілген көптеген түзету толық емес. Кәсіпкерлердің ол түзетулерді түсінуге уақыты жоқ. Салық органдары орындауды талап етеді, бірақ барлық норманы түсіндіре алмайды. Көбінесе порталда жүйемен проблемалар бар. Мен өзімнің тауар кодымды енгіземін. Мысалы, тауарды шар деп алайық. Алайда портал менің планшеттерге тапсырыс беретінімді көрсетеді. Барлық кәсіпкерлерді осы тақырып толғандырады», - дейді Наталья Апретова.

Бұл мәселені өңірлік партия штабының мүшелері назарға алды. Қалалық мәслихат депутаты Мұрат Жәкенов кәсіпкерлермен енгізіліп жатқан салық реформалары толықтыруды талап ететінімен келісті.

«Бұл шын мәнінде қолайсыздық тудыратын, бизнес субъектілеріне қосымша жүктеме пайда болады. Кәсіпкерлер жүйемен жұмыс істеу үшін тағы бір менеджерді жалдауға мәжбүр, оның бәрі шығын, бағаны өсіруге итермелейді. Иә, Салық кодексіне енгізілген өзгерістерді қоғам белсенділері бақылауы керек. Қолайсыздықтар салдарынан ондаған жеке кәсіпкерлік өз қызметін тоқтатады. Бұл мәселені біз мемлекеттік органдарға жеткіземіз», - деді партиялық штаб мүшесі Мұрат Жәкенов.

Салық кодексіне енгізілген өзгерістерге қатысты «Атамекен» өңірлік Кәсіпкерлер палатасы директорының орынбасары Жеңіс Қазиев айтып берді. Оның айтуынша, Мемлекет басшысының тұжырымдамасы аясында «таза парақ» жобасы жұмыс істейді. Оған сәйкес бизнес субъектілеріне қойылатын барлық артық талаптар жойылады. Мәселелерді іздеумен және анықтаумен уәкілетті мемлекеттік органдар айналысады. Егер 2023 жылға қарай Салық кодексіне түзетулер мен басқа да талаптар пысықталмаса, онда кәсіпкерлерге қатысты тәртіптік жазалар қолданылмайды.

Сонымен қатар жиында қоғамдық кеңес мүшелерін сайлау, бюджет қаражатын бөлу, мемлекеттік сатып алуларды ойнату, Петропавл мектептерін жылу беру маусымына дайындау, бейбіт митингілерге арналған орындарды анықтау және басқа да мәселелер көтерілді.

 

×
Бұл желілік ресурстың ақпараттық өнімдері 18 жастан асқан адамдарға арналған.