«МАЭК-Қазатомөнеркәсіп» Каспий теңізіне аққан қара су туралы түсіндірді

Azattyq Rýhy

Мамандар бұл экологиялық қауіпсіздікке әсер етпейді дейді

«МАЭК-Қазатомөнеркәсіп» Каспий теңізіне аққан қара су туралы түсіндірді
фото: видеодан скрин

Энергостанция өкілдерінің айтуынша, жүргізіліп жатқан жұмыстар Каспий теңізінің экологиялық қауіпсіздігіне әсер етпейді, деп хабарлайды Azattyq Rýhy mangystaumedia-ға сілтеме жасап.

ЖЭО-1 су алу арнасы 1-ЖЭО-ның технологиялық қажеттіліктерін теңіз суымен қамтамасыз етуге және бастапқы су ретінде «Каспий тұщыландыру зауыты» ЖШС ауыз суды дайындауға арналған. Алайда бүгінде теңіздің күрт таяздануына байланысты су алатын арнадағы су деңгейі төмендеп, кей жерлерде құрлық аралдары пайда болды.

Каналдағы теңіз суының қажетті деңгейін ұстап тұру және 1-ЖЭО мен «Каспий» тұщыту қондырғысы» ЖШС технологиялық процесінің тоқтап қалмауы үшін, «МАЭК-Қазатопром» ЖШС ЖЭО-ның су тарту каналында тереңдету жұмыстарын жүргізеді.

Тереңдету жұмыстары тереңдеткіш көмегімен механикалық жолмен жүргізіледі, ал каналдан айдалатын су ешқандай қоспасыз теңіз суы.

Естеріңізге саламыз, бүгін желіде Каспийге қара түсті белгісіз сұйықтық ағып жатқан видео тараған болатын.

 

×
Бұл желілік ресурстың ақпараттық өнімдері 18 жастан асқан адамдарға арналған.